KT Landsins er deild hjá Gjaldstovni, sum hevur til uppgávu at veita almennum stovnum KT-tænastur og samskipan av KT á yvirskipaðum stigi, so tað almenna fær munadyggar KT-loysnir.
Tænasturnar hjá KT Landsins verða nevndar undir felagsheitinum Landsnet. Landsnet tænasturnar fevna um hýsing og rakstur av servarum og netverkum, uppseting og atgongd til grundleggjandi forrit á brúkarateldum, og KT-support til brúkarar. Í dag eru um 40 stovnar og 1.700 brúkarar partur av Landsnet tænastuni.
Samskipanin fevnir um ráðgeving í KT-spurningum, luttøku í yvirskipaðum og tvørgangandi verkætlanum, standardisering av politikkum og mannagongdum, og gerð av yvirskipaðum strategium fyri KT-økið hjá landinum.
|